МУБИС-ийн Биеийн Тамирын Сургууль нь Монгол Улсад биеийн тамир, спортын салбарыг хөгжүүлэхэд чухал үүрэг гүйцэтгэж ирсэн, олон жилийн түүхэн уламжлалтай боловсролын байгууллага юм.
Түүхэн хөгжил:
Тус сургууль анх 1955 онд Улсын багшийн институтын Биеийн тамирын тэнхим нэртэйгээр 5 багш, 30 оюутантай байгуулагдсан.
1963–1968 онд бие даасан Биеийн тамирын дээд сургууль (БТДС) болон өргөжин хөгжиж, 5 тэнхим, 30 гаруй багш, 300 гаруй оюутантайгаар Спортын төв ордонд сургалтын үйл ажиллагаагаа явуулж байв.
1968 оноос хойш бүтцийн хувьд өөрчлөгдөн:
- УБДС-ийн Биеийн тамирын факультет
- Биеийн тамир-урлагийн факультет
- УБИС-ийн БТДС
- МУБИС-ийн Биеийн тамирын сургууль
- 2014–2017 онд Урлаг, биеийн тамирын сургууль
- 2017 оноос МУБИС-ийн Биеийн тамирын сургууль
Тус сургууль нь одоо (Ph.D) О.Болд-Эрдэнэ захиралтай 4 тэнхим, 40 гаруй багш, ажилтан, 1000 орчим оюутантай сургалтын үйл ажиллагаа явуулж байна. Одоо ажиллаж буй багш нарын 59% нь доктор (Ph.D) зэрэгтэй, өндөр мэргэшсэн боловсон хүчинтэй. Төгсөгчдөөс олон арван хөдөлмөрийн баатар, ардын багш, гавьяат багш, дасгалжуулагч, тамирчин төрөн гарсан нь сургалтын чанар, үр өгөөжийг илтгэнэ
Тус сургууль нь орчин үеийн дижитал орчин, техник хэрэгслээр бүрэн хангагдсан:
- 597.2 м² спорт заал – электрон онооны самбар, иж бүрэн өсгөгч, хөгжимтэй
- 134.7 м² лекцийн танхим – 120 хүний суудалтай, ухаалаг самбар, микрофон, өсгөгчтэй
- 10 семинарын танхим – 30–45 м², ухаалаг дэлгэц, интернеттэй
- Спорт заалд ашиглах зөөврийн проекторууд
- Dartfish болон бусад судалгааны программ бүхий лаборатори
- Багш бүр суурин болон зөөврийн компьютертэй
- Подкаст болон цахим контент бэлтгэх тусгай өрөөнүүд
- ТҮЦ машинаас дүн, төлбөр, тодорхойлолтыг (MN/EN) авах боломж
- Интернэт, цахилгаан, цэвэр усны үнэгүй хэрэглээ
- Номын сан, өөртөө үйлчлэх орчин
Магадлан итгэмжлэл
- “Багш, биеийн тамирын боловсрол” хөтөлбөр: 2020, 2025 онд 2 удаа магадлан итгэмжлэгдсэн
- “Спортын дасгалжуулагч” хөтөлбөр: 2023 онд магадлан итгэмжлэгдсэн
- Магистрын хөтөлбөр: 2024 онд дотоодын магадлан итгэмжлэл хийлгэсэн